‘Wala talagang sikretong hindi nabubunyag’
‘yan ang pagtitiyak ni Senate Deputy Minority Leader Risa Hontiveros matapos lumabas sa report ng National Burea of Investigation (NBI) na nag-match ang fingerprint ni suspended Mayor Alice Guo sa Chinese national si Guo Hua Ping.
Anya, ibig sabihin lang nito posibleng purong Chinese talaga ang alkalde taliwas sa patuloy nitong ipinaglalaban na Pilipino siya.
Alinsunod nito, pinaiimbestigahan na rin ng senadora sa Securities and Exchange Commission (SEC) ang mga negosyo ng mga kapatid nitong sina Sheila Guo at Wesley Guo kung saan tumatayong incorporators ang mga ito.
Samantala, napa-subpoena na niya ang mga ito kasama si Guo at maging ang ilan pang personalidad na sangkot dito.
