Posible nga pagapasakaan sang kaso sang Commission on Election ukon COMELEC ang mga nagakandidato sa Barangay and Sangguniang Kabataan election nga indi maghimos sang ila nga campaign materials sa maabot nga Oktubre 29.
Sa interview sang Brigada News FM Roxas City kay Atty. Rommel Benliro, City Comelec Officer, iya ginpahayag nga dapat mahimos na sang mga nagakandidato sa BSKE ang ila mga campaign materials antes ang adlaw sang piniliay.
Dugang pa sini nga kun may makita pa sila nga campaign materials sa higad sang dalan ila ini pagakuhaan sang litrato kag pagapasakaan sang kaso ang kandidato nga nagapanag-iya sang tarpaulin bangud nagapakita na ini sang iligal nga pagpangampanya sa adlaw sang Oktubre 29 tubtob 30.
Liwat naman nga magapatigayon ang COMELEC sang Oplan baklas sa maabot nga Oktubre 28.
Nagpanugyan man ini sang mga kandidato nga dapat i-obserba gid ang intsakto nga pagpangampanya agud malikawan ang mga konsekwensiya sa paglapas sang layi. | Judy Ann Juare
