Arestado ang isa ka mangunguma matapos gin-implementaran sang search warrant sang mga kapulisan sa Brgy. San Fernando, Pilar, Capiz.
Ginkilala ang nadakpan kay alyas George, 47-anyos, residente sang nasambit nga lugar.
Narekober sa paghinakop kag kontrol sini ang tatlo ka live ammunition sang 12 gauge shot gun, 1 unit sang 12-gauge homemade break type pistol kag lima ka live ammunition sang caliber .45 nga armas-luthang.
Ang warrant ang gin-isyu kag ginpermahan ni Judge Lorencito B Diaz, RTC, 6th Judicial Region, Branch 17, Roxas City, Capiz napetsahan Oktubre 19, 2023.
Magapangatubang ini sang kaso nga paglapas sa RA 10591 ukon “Comprehensive Firearms and Ammunition Regulation Act”.
Sa karon, nagapabilin si alyas George sa kustodiya sang Pilar PNP lakip ang mga nakumpiskar nga ebidensya para sa nagakaigo nga disposisyon. | Judy Ann Juare
