Naglab-ot na sa masobra 80 ka mga kandidato sa Barangay and Sangguniang Kabataan Election sa probinsya sang Capiz ang gin-isyuhan sang show cause order may kaangtanan sa premature campaigning samtang isa naman ka kandidato sa banwa sang Panay ang ginpapanaugan sang Disqualification Case sang Commission on Election ukon COMELEC.
Ini ang ginkumpirma ni Atty. Wil Arceño, Provincial Election Supervisor sang mainterview sang Brigada News FM Roxas City.
Suno kay Arceño, sa masobra 80 ka kandidato nga ginpapanaugan sang SCO wala pa diri malakip ang mga kandidato nga naglapas sa pagpangtapik sang campaign materials.
Samtang, gintuad man sini nga nabaton na sang kandidato nga wala na ginhingadlan ang disqualification case gikan sa Comelec National.
Nagapasalamat man ini nga nagapabilin nga matawhay ang campaign period kag wala sang violent incident nga narecord.
Nagpanugyan si Arceño sa mga nagakandidato nga magsunod gid sa pagsulundan sa pagpangampanya agud malikawan nga mapasakaan sang kaso. | Judy Ann Juare
