BORACAY – Ginhinyo ro mga ginikanan sa isla it Boracay nga siguruhon nga nakauli eon ro andang mga unga sa oras nga mag-umpisa eon ro curfew hours.
Ro curfew sa isla hay halin it alas 12 it tungang gabii hasta alas 4 it kaaganhun.
Ro sin-uman nga magabayolar hay may penalidad nga P2,500 o pagka-presu.
Nakaabot sa pamunuan it LGU-Malay nga may pilang mga menor de edad sa Barangay Manocmanoc ro sa guwa gihapon it andang baeay bisan curfew eon ag kaabuan sa mga raya hay sa computer shops.
Base sa LGU-Malay, nagtao eon sanda it warning sa mga ginikanan it mga unga angot sa oras it curfew sa pagtinguha nga punggan ro pagkalat it covid-19 sa komunidad.
