Patay ro rider it motorsiklo matapos rayang bumunggo sa tricycle sa Brgy. Santander sa banwa it Buruanga, Aklan.
Ginkilaea ro biktimang si Chanzho Reoja Jr., 31yo it Patria Pandan, Antique, samtang ro driver it tricycle hay si Jufer Panganiban nga taga Cabugao Pandan, Antique.
Base sa pilang nakakita sa aksidente, madasig ro pagpadaeagan it rider it motorsiklo sa bandang pakurbada ag gulpi eonlang rayang sumunggab sa tricycle.
Nasayuran man nga nakabutang sa siko it biktima ro anang helmet.
Gindaea pa raya sa ospital pero namatay man samtang ginabueong.
Samtang, indi eon magpasaka it kaso ro pamilya ku biktima kontra sa driver ng tricycle. / ANN DESLENE SALAZAR
