EXCITED nga naglinya ang mga estudyante gikan kinder hangtod Grade 6 sa Changco Elementary School, Barangay Bawing, Gensan dihang gipang apod-apod na sa brigada news team ang mga school supplies alang kanila.
Gani ang mga magtutudlo sa maong tulunghaan wala nagdahom nga ang ilang mga estudyante mahatagan og gamit.
Gawas sa mga school supplies aduna sab gihatag ang team brigada nga mga painting materials aron mapanindot pa ang mga classrooms. Dako sab ang pagpasalamat ni Ranelyn usa ka grade 6 student tungod usa siya sa mga nahatagan og gamit pang-eskwela ug excited na matud pa kini sa pagsugod sa ilang klase.
Nalipay usab ang mga ginikanan tungod gamay nalang matud pa ang ilang gastoson aron idugang sa panginahanglanon sa ilang mga anak. Kahibaloan ang maong programa kabahin sa brigada balik eskwela, balik biyaya ug end stunting now nga adbokasiya sa brigada group aron matabangan ang mga estudyante sa pagkab-ot sa ilang mga pangandoy sa kinabuhi. I Enamie Mogpon
