Ginpaidalom sa surprised drug test ang tanan nga mga empleyado sang Capiz Rehabilitation Center (CRC) sa Barangay Lawaan, Roxas City.
Ini matapos ginmanduan ni Governor Fredenil Castro si Retired Colonel Primo Golingay nga ipaidalom sa drug test ang empleyado sang nasambit nga pasilidad.
Sa interview sang Brigada News FM Roxas City kay Retired Colonel Primo Golingay, ginpahayag sini nga 52 tanan ka personnel kag staff ang nakuhaan sang specimen.
Dugang pa ni Golingay, tinutuyo sang amo nga aktibidad nga mahatagan sang kasanagan ang isyu sa CRC may kaangtanan sa iligal nga droga.
Natalana naman nga ipaguwa ang resulta sa amo nga drug-test agud matumod kun sin-o dire ang nagpositibo, samtang wala naman sang dapat kabalak-an ang wala naga-engage sa ilIgal nga buluhaton. | Judy Ann Juare
