Sigidas ro operasyon it Malay MPS kontra sa illegal gambling suno kay Malay Chief of Police PLTCOL Don Dicksie L De Dios.
Suno sa hepe, kung ‘bookies’ ro paga istoryahan, ro banwa it Malay eamang ro owa it Peryahan ng Bayan.
Raya hay bangud hugot segun nanda nga ginabawae ro anumang klase it sugae sa isla ag bilog nga banwa it Malay.
Samtang, ginhayag ni De Dios nga an-um nga wanted persons nga ro andang nadakpan ag padayun man ro anang koordinasyon sa Bureau of Immigration and Deportation para matumod ro mga long term stay nga turista kung may record ro mga raya sa ibang nasyun.
Ginhambae man ni PLTCOL De Dios nga sa anang pagpamuno bilang hepe it Malay MPS, tatlong foreign fugitive nga ro andang naaresto sa isla it Boracay. // ANN DESLENE SALAZAR
