Nagbisita kay Governor Fredenil Castro ang mga katapo sang Securities and Exchange Commission (SEC) Iloilo Extension Office nga ginapangunahan ni Atty. Ma. Cristina Montelibano- Officer-in-Charge kaupod ang mga miembro sang Capiz Halaran Chamber of Commerce (PCCI-Capiz) nga sanday Brian Castañeda, PCCI- Capiz Chapter President kag Ronald So, 2020-21 PCCI Western Visayas Regional Governor.
Tinutuyo sang ila pagbisita agud ipahibalo sa gobernador ang ila pagapatigayunon nga forum sa probinsya kaupod ang mga abogado kag iban pa nahanungod sa registration kag mga updates sang nasambit nga ahensya.
Gindayaw naman ni Atty. Montelibano si Gov. Castro bangud madamo na sa karon nga nagasulod nga negosyo sa probinsya kon sa diin suno sa gobernador, ini bangud may yara sang unity dire sa Capiz.
Nagpasalamat man si Gov. Castro sa ila nga pagbisita kag nagpasiguro nga magasuporta sa mga aktibidad kag programa sang SEC para sa ikaayo sang pumuluyo. | Judy Ann Juare
