Nakataeana nga makabaton it andang hazard pay ro mga empleyado it Iloilo Capitol nga pisikal nga nagareport sa opisina kat nagpa-idaeom sa enhanced community quarantine (ECQ) ag modified ECQ ro probinsiya.
Sa idaeom it Executive Order 617 it probinsiya it Iloilo, ro hazard pay it kada empleyado hay P300 kada adlaw. Raya hay umpisa ku Hunyo 1, 2021 hasta Agosto 15, 2021.
Base kay Atty. Suzette Mamon, acting provincial administrator, ro hazard pay hay pwede mabuoe makarang dominggo o sa masunod nga dominggo.
Matandaan nga nagtaeana ro lokal nga gobyerno it P30 hasta 40 milyon para sa hazard pay it mga empleyado it kapitolyo./JIL B. LACSON
