Naga-aray eon ro haeos tanan nga drivers nga may biyaheng Western side sa probinsya it Aklan.
Raya hay bangud sa padayun nga pagtaas it presyo it produktong petrolyo dugang pa ro nagataas nga sukkot it ticket kanda it LGU-Kalibo.
Sa interview it Brigada News FM Kalibo sa pilang drivers sa nasambit nga terminal, ro mga jeepney hay nagabayad it ticket sa balor nga P25 samtang ro multicab hay ginasukot it 15 pesos ag nagabayad pa sanda sa dispatcher sa kada biyahe nanda.
Suno sa mga drivers, bisan pabug-at kanda ro sobra-sobrang presyo it krudo, padayun gihapon sanda sa pagbiyahe para may pambakae sa andang pang adlaw-adlaw nga kinahangeanon.
Apela nanda sa LGU Kalibo nga kunta hay buhinan ro sukot sa ticket.
Ginareklamo man nanda ro andang terminal bangud nagakabasa man sanda kung umuean ag nagabayad pa sanda sa CR ag owa pa segun it tubi. / ANN DESLENE SALAZAR
