HUGOT gibawal sa labaw sa Traffic enforcement unit o TEU ang mga naga-illegal parking sa palengke sa GenSan tungod usa kini ka pampublikong lugar asa nagadagsa ang mga mamalitay.
Sumala sa hepe sa TEU nga si PMajor Oliver Pauya, mismo siya ang mikuha sa mga bangko nga giharang sa mga drayber sa dalan aron dili mailogan sa parking area.
Segun pa niini, bisan ang mga tricycle, ug e-jeep bawal matud pa nga mag-illegal parking tungod nahimo kining sagabal sa dalan ug adunay mga tawo nga nagareklamo.
Nanawagan ang opisyal sa tanang drayber nga siguruhong anaa sa tama nga terminal moparking aron dili masita sa kapulisan. I Enamie Mogpon
