WALA pa makadawat sa ilang Special Risk Allowance kun SRA ang mga Barangay Health Workers sa Brgy Calumpang, sa kompirmasyon ni Kapitan Ryan Dupalco padayon nga naglaom ang 80 ka BHW nga sila mahatagan niini, tungod anaay budget nga gigahin ang LGU Gensan alang kanila.
Kahinomdoman nga milabay nga tuig 2021 pa girekomenda sa City Accounting ang budget, apan hantod karon wala pa kini mahatag. Ang SRA ang gigahin sa Department of Health alang sa tanang medical frontliners sukad sa pag-igo sa pandemya, ihatag kini sa tanang Local Government Unit, samtang ang LGU na usab ang mag-release niini sa mga BHW.
Naglaom na lamang si Annabel Health worker sa Calumpang nga mahatag na kini sa ilaha tungod daghan usab silag pagkinahanglan. Bisan risgo alang kanila ang trabaho tungod sa padayon nga pagkaylap sa Covid-19 apan nagpursige sila nga motabang sa katawhan ug himoon ang ilang trabaho. I Enamie Mogpon
