BICOL – IPINAHAYAG ngunyan kan Land Transportation Office o LTO sa Bicol na uminabot na an mga plate numbers na parte pa kan saindang backlogs kan 2018.
An mga ini an parte kan maabot sa 86,078 na backlogs kan ahensya na ngunyan naibaba na kan central office kun kaya pwede nang i-claim kan mga maysadiring motorista.
Segun ki LTO-Bicol Dir. Francisco Ranches Jr., sa ibong kan haloy na delay ,mawot nindang mapakinabangan na ini kan mga end-uders kung kaya sainda man na titipunon an mga dealers tanganing maabisuhan an ang motorcycle asin vehicle owners.
Base sa saindang record, nasa nobenta porciento nang naipanao an mga bagong plaka para sa enot na batch o sakop kan mga bulan puon Enero hasta Marso taon dos mil dyes y otso.
Mantang 100% nang tapos an pag release pra sa second batch mantang nagpapadago pa an pananao para sa mga kabale sa 3rd batch o puon July to September na nasa 15% pa sana.
Kasabay man sa pag release sa 2018 backlogs iyo an mga bagong plaka o cascading plates.
Maabot na sa labi 120,000 an kabilugan na bilang kan mga naaibabang plaka kan central office kabale na an nasa labi 35,000 para ngunyan na taon kung saen nasa 48% an disitribusyon kan mga ini.
Paliwanag pa ni Ranches,nagkapira sa mga naging rason kan ‘delay’ sa pag distribute kan mga bagong plaka iyo an mga naeksperiensyahan na pagkawara nin internet connection asin suplay nin kuryente siring man an magkakasunod na kalamidad na tuminama sa rehiyon.
