Tungod sa kabalaka ug aron masiguro ang seguridad sa mga Badjao sa kadalanan, gipauli sa Digos City Police ang mga Badjao nga nagbagdoy-bagdoy ug naglataw atol sa gipatumang curfew hours sa Digos City, Davao del Sur.
Rason sa kapulisan nga posibleng mabutang sa risgo ang kinabuhi sa mga badjao nga nagpuyo sa kadalan sanglit pipila na sab ang natalang kriminalidad sa syudad sa Digos ilabi na nga padayon ang bahad sa Covid-19 hinungdan nga gipapauli kini sa ilang komunidad.
Subay sa programa sa Kapulisan nga Project B,A.D.J.A.O. o ( Bringing Alternatives for Development as a Jumpstart for Advancement and Opportunities) ubos sa programang OPLAN KALINAW, gipanghatod ang mga badjao sailang pinuy-anan didto sa Brgy Apo Beach Sta. Cruz Davao del Sur.
Hinuon, misa-ad ang mga kapulisan nga ilaha sab ihatod sailang komunidad ang ubang badjao nga ilang makita sa kadalanan aron maisgurong luwas ug dili pabutang sa risgo ang ilang kinabuhi ilabi na karong panahon sa pandemya.
