Misurender ang 11 ka myembro sa Communist Terrorist Group sa 10th Infantry “Agila” Division pinaagi sa 1002nd ug 1003rd Infantry Brigades lakip na ang pagkasikop sa 3 supply ug medical CTG members sa Talaingod, Davao Del Norte.
Samtang narekober sab ang 4 ka high-powered firearms tungod sa nagpadayong operation sa otoridad sugod Desyembre 5 hangtod 8, 2021 pinaagi na sab sa pagsumbong sa kanhi myembro sa NPA nga sila alyas Che-Che, Borjack, ug Nilo sa Sitio Kibayo, Barangay Sugai, Jose Abad Santos, Davao Occidental.
Ang mga misurender giila nga sila Alias CARDING/ARMAN, FSMR member, 45 anyos, residente sa So Tamuan, Brgy Barrio bukid, JAS Davao Occidental, Alias ROCKEY, FSMR member, 25 anyos, residente sa So Liburon, Brgy Manuel Peralta, Malita, Davao Occidental, Alias TBAN, FSMR member, 37 anyos, residente sa So Balantako, Brgy Kalbay, JAS, Davao Occidental, Alias GOLIAU Black, FSMR member, 40 anyos, residente sa So Mainit, Brgy Caburan, JAS, Davao Occidental, Alias CVARIEL, FSMR member, 20 anyos, residente sa Brgy Mangga, Matanao, Davao del Sur, Alias TAMSI, FSMR member, 28 anyos, residente sa Brgy Mangga, Matanao, Davao del Sur, Alias BOYKA / Baking, FSMR member, 27 anyos, residente sa So Malinawon, Brgy Barrio Bukid, JAS, Davao Occidental, Alias HAPPY, FSMR member, 18 anyos, resident sa Brgy, Congan, Glan, Saranggani Province.
Dala sa mga nahisgutan ang ilang armas nga gilangkuban sa 2 ka M16A1 rifles ug 1 ka M653 rifle.
Giakomodar sab sa tropa ang usa ka surrender nga 20 anyos kanhi myembro sa Guerilla Front Musa ilawom sa FSMR sa Barangay Sugal, Jose Abad Santos, Davao Occidental diin gisurender sab sa nahisgutan ang usa ka caliber 45 pistol, 2 ka cellular phones, usa ka commercial radio.
Gawas niini, misurender sab ang duha ka kanhi NPA sa 27th Infantry Battalion sa Talaingod, Davao Del Norte nga giila nga sila alyas Dampan Kompiot ug Dampan nga mga kanhi myembro sa Militia ng Bayan ug Courier of Sub-Regional Guerilla Unit (SRGU).
Sa pikas bahin, narekober sab ang M60 Machine gun sa gikasang manangkahing operasyon nga gipangunahan sa Malapatan Municipal Police Station ug 1st Sarangani Provincial Mobile Company of the Philippine National Police sa Barangay Tuyan, Malapatan, Sarangani Province.
Gawas niini, narekober sab ang upat ka Improvised Explosive Devices nga mitimbang og 12 kilos nga narekober sa tropa sa 72nd Infantry Battalion following atol sailang operasyon sa Sitio Upper Banban, Brgy Miaray, Dangcagan, Bukidnon Province.
Gipaniguro ni 10th Infantry Division Commander MGen Ernesto C Torres Jr nga dili sila magpanuko sailang operasyon aron mapugsa na ang mga tawong babag sa peace and development sa tibuok Southern Mindanao.
Dugang sa opisyal nga paningkamotan nila kauban ang tropa nga maangkon ang insurhensiya sa tibuok Mindanao samtang padayon kining nanawagan sa mga NPA nga mubalik na sa sabakan sa balaod aron makahiagom og haruhay nga kinabuhi kauban ang ilang pamilya.
