“All systems go” na ang Department of Agriculture (DA) para sa ikakasang bakunahan kontra African Swine Fever (ASF).
Ayon kay DA Spokesperson at Asec. Arnel de Mesa, naihanda na nila ang mga baboy para ngayong araw.
Negatibo umano ang mga baboy na ito sa sakit, at malulusog din.
Samantala, binigyang-diin ni De Mesa na ipaprayoridad nilang mabakunahan laban sa ASF ang mga small hold at backyard hog raisers sa Batangas.
Una na ring sinabi ng ahensya na tututukan nila ang pagbabakuna sa mga baboy sa mga lugar na classfied bilang ‘red areas.’
Ito naman ang mga lugar na high risk sa agricultural disease o mga areas na kasalukuyang nagkakaroon ng outbreak.
