BICOL –IPINAHAYAG ngunyan kan Department of Social Welfare and Development o DSWD-Bicol na igwa nang maabot sa 139,016 na mga babaeng community volunteers sa rehiyon na sabay sabay naghihiro tanganing magsagibo nin mga proyektong pangkauswagan sa saindang komunidad.
Naging basehan sa pagkakarkolo an datus puon kan taon dos mil katorse hasta sa nakalihis na taon kan mga female volunteers kan ahensya, partikular sa implementasyon kan KALAHI-CIDSS program.
Pinakadakul an nairehistro sa Camarines Sur na nag aabot na sa 51,264 sinundan kan Masbate na may 30,598; 23,284 man an nai-record sa Sorsogon; Catanduanes na may 13,488; 11,491 sa Camarines Norte asin igwang nagaabot sa 8,891 na female volunteers an Albay.
Nagtutubod soboot an ahensya na an kusog kan kababaihan iyo an kusog kan sociedad kun kaya dapat sana soboot na tawan pagrekonusir an dakulang ambag kan mga ini urog sa pagpapatrayumpo kan anuman na programa.
Katakod kaini, pig ingganyar kan ahensya an publiko na padagos makihiras sa pagbusol kan mga programang nagtataong importansya sa direcho kan mga kababaihan sa man iba ibang espasyo kan sociedad.
mantang pigciert man kan DSWD KALAHI-CIDSS na gabos na namamanwaan anuman an kasarian an kasabay sa pagdedesisyon, pagpaplano asin pagsasagibo kan mga proyektong nababagay asin masimbag sa problemang kinakaatubang kan kada komunidad sa nacion.
