LEGAZPI CITY – Mabida an mga ataman na mga ayam sa probinsya kan Albay sa papaabot na Magayon Festival 2024 sa programang Hayop Ang Dating: A Dog Fun Show na hatod kan Albay Provincial Veterinary Office (AVO) na nakatalaan isagibo sa maabot na Mayo 5 sa Peñaranda Park, Legazpi City.
Segun sa AVO, dakol na kategorya an pwedesir intrahan kan mga dog owners sa saindang mga ataman, kun sain kaibahan digdi an Best Local Breed, Dog-Handler Look-alike, Dog Fashion Show, asin Dog Trick Show.
Bukas ini sa gabos na breed nin ayam, dapat na updated sa bakuna nin rabies, rehistrado, asin nasa marhay na kondisyon an lawas.
Magbisita sana sa social media page kan AVO para sa iba pang impormasyon manungod sa aktibidad.
