Ipinunto ni Senate Majority Leader Joel Villanueva na malabong makatulong sa pag-ibsan ng traffic congestion ang isang oras na adjustment sa working schedule sa mga lokal na pamahalaan.
Ito ay matapos ianunsyo ni Metropolitan Manila Development Authority (MMDA) Chairperson Romando Artes na simula May 2 ay ipapatupad na nila ang 7am to 4pm working schedule sa mga LGU.
Kaugnay nito, umapela si Villanueva sa LGU at iba pang pribadong kumpanya na ikonsidera ang paggamit ng work from home o alternative work arrangement.
Maalala, ayon sa TomTom Traffic Index maituturing na world’s worst metro area traffic ang Metro Manila.
