Pagpapakusog kan pagdesiminar nin impormasyon sa mga residente kan Camalig, Albay tuyong may kalamidad, mas papakusugon

LEGAZPI CITY – Mas papakusugon pa kan lokal na gobyerno kan Camalig, Albay an pagdesiminar nin impormasyon tuyong may kalamidad sa mga namamanwaan.

Segun kay Municipal Public Information Officer Tim Florece, magigin kapaagihan digdi an pag-establisar nin Barangay Information Officers Network (BION) na matutok sa marekas na pag-impormar sa kada residente nin barangay sa kun ano an dapat kaining maaraman asin gibuhon.

Mientrastanto, enkaso mareyalisar, ini an magigin enot na siring na programa sa bilog na probinsya kan Albay.

BNFM Legazpi