Preparado na ang mga opisyales sang Brgy. Baybay, Roxas City para sa patigayunon nga mga aktibidades nga kabahin sa selebrasyon sang Fiesta ni Sr. San Juan de Bautista nga magadugay sang pito ka adlaw humalin Hunyo 18 tubtob 24, 2024.
Suno kay Kapitan Erwin Oroceo, ginalauman nila nga magadagsa na naman ang mga pumuluyo sa Brgy. Baybay agud magpakigbahin sa mga aktibidad. Pila sa mga pagahiwaton amo ang Baroto race, ReyNanay, fluvial parade kag madamo sang iban pa.
Dugang pa ni Oroceo, subong nga fiesta, ila ginabawalan ang pagpangbasya sang tubig sa mga nagalabay sa karsada bangud sang nakaligad nga tuig madamo ang nagareklamo. | Judy Ann Juare
