LEGAZPI CITY – Pigkumpirmar kan Commission on Human Rights (CHR) Bicol na all set na an mga aktibidad na may kinaraman sa pagseselebrar kan International Humanitarian Law ngunyan na bulan kan Agosto digdi sa Bicol Region.
Sa intrevista kan Brigada News FM Legazpi kay CHR Bicol Regional Director Arlene Alangco, pigsabi niya na taun-taon iningn pigseselebrar kun sain kaibahan digdi an pagpapagiromdom kan pagpirma sa convention asin pag-implementar kan domestic law na Republic Act No. 9851 o an International Humanitarian Law.
Pigpapagiromdoman an gabos na combatants kaibahan an Philippine Army asin iba pa manungod sa batas na ini, orog na kun sinda nagkakaigwa nin international o non-international armed conflicts nganing protehiran an mga sibilyan o mga non-combatants.
Mientrastanto, igwa na su boot ki mga nairehistrong kaso ki mga combatant digdi sa rehiyon na nagbabalgar sa nasambitan na batas.
Segun pa saiya, an mga siring na kaso, kinakaipuhan ki ararom na imbestigasyon asin maipresentar an gabos na lado nganing magkaigwa ki due process.
