LEGAZPI CITY – Nagin matrayumpo an mga aktibidad kan Bicol Regional Hospital and Medical Center (BRHMC) sa siyudad kan Legazpi kasuhapon katakod kan pagselebrar kan World Menopause Day 2023.
May tema ining “Biyaheng Menopause sa Bicol” kun sain nagkapira sa mga aktibidad an zumba, menopause walk, drum and lyre exhibitions, lectures, asin open forum.
Obehto kan mga aktibidad na ma-promote an cardiovascular asin bone health para sa mga menopausal women.
Nagpoon an aktibidad alas 6 nin aga kasuudma sa paagi nin sarong zumba; alas 7 isinagibo an menopause walk asin alas 8 nagpuon an pormal na programa kaiba an open forum.
Apwera digdi, obheto man kan aktibidad na magkasararo an mga babaying 45-55 anyos nganing matawan nin pormal na lecture kun papano protehiran an saindang mga puso siring an saindang mga tulang.
