Moabot sa 13 ka mga sakop sa Communist Terrorist Group (CTG)-New People’s Army kon NPA lakip ang usa ka menor de edad ang misurender sa balaud Pebrero 26 ning tuiga.
Ang 16-anyos nga dalagitang mangungubat, giatiman na karon sa Police Regional Office 11 pinaagi sa Women and Children’s Desk (WCPD), sakop sa Guerilla Front 3, SRC 4, ilawom sa Southern Mindanao Regional Committee sa New People’s Army (NPA).
Bitbit sa mga nahisgutan ang 12 ka nagkadaiyang matang sa armas, usa ka Low Powered Firearm, medical paraphernalia ug mga bala.
Sumala kang Alyas Mina, miapil siya sa walhong grupo kauban ang iyang igsoong lalaki ug ubang paryente niadtong Hulyo 7, 2021 didto sa Barangay Mansanitas, Loreto, Agusan Del Sur gumikan sa impluwensiya sa amahan.
Nasayran usab nga kanhi bakwit sa UCCP Haran si Mina kauban ang iyang upat ka igsoon ug inahan nga namatay sa Southern Philippines Medical Centertungod sa TB niadtong Hunyo 2018
Sa pagkakaron ang ubang mga surenderee ang padayong giatiman sa gobyerno alang sa pagpailawum kanila sa deradicalization process ug pag-enroll kanila sa Enhance Comprehensive Local Integration Program kon E-CLIP. BNFM-Davao
