Target karon sa Department of Tourism (DOT) Davao ang dyes porsyento nga pag-usbaw sa tourist arrivals sa dakbayan sa Davao karong tuiga.
Sumala kay DOT Davao Regional Director Tanya Rabat-Tan, gibase sa DOT 11 ang target increase nga 10 percent gikan sa 1.3 million arrivals sa milabayng tuig.
Subay sa numero, ang Davao region nakatala og 5.2 milyon tourist arrivals niadtong 2019 apan niubos kini og 70% niadtong 2020 sa 1.4 milyon tourist arrivals samtang miubos pa kini sa 1.3 million sa 2021.
Luyo niini positibo ang ahensya sa turismo dinhi sa rehiyon nga maabot ang maong target ilabi na nga giablihan na ang
intra-regional travels.
Nakadugang sa kumpyansa ang pag-abli sa dugang pa nga mga flights sa Davao International Airport. BNFM-Davao
