Huli ang isang menor de edad matapos itong makumpiskahan ng hinihinalang marijuana sa Barangay Gulang-Gulang, Lucena City nitong Lunes, Hulyo 1.
Batay sa report, nagsasagawa ang awtoridad ng follow-up operation patungkol sa serye ng nakawan sa nasabing barangay nang makita nila ang menor de edad na gumagala.
Nang lapitan ito ng mga awtoridad, doon na itinapon ng suspek ang isang plastic na naglalaman ng hinihinalang marijuana na tinatayang nagkakahalaga ng mahigit ₱4,000 na nagresulta sa kanyang pagkaka-aresto.
Sa ngayon, itu-turnover na sa Department of Social Welfare and Development ang naturang suspek.
