CAMARINES NORTE – Inanunsiyo ng pamunuan ng Camarines Norte Provincial Hospital na magsasagawa ng konsultasyon ang kanilang Medical Oncologist na si Dr. Kristine Tejada simula ngayong araw, October 11 hanggang bukas, October 12.
Magsisimula ang konsultasyon simula alas 8 ng umaga hanggang alas 3 ng hapon.
Gaganapin ito sa Ground floor ng bagong OR building.
Nag abiso naman ang CNPH sa mga magpapakonsulta na mag private message sa kanilang official facebook account para magpalista.
Samantala, magkakaroon naman ng Breast cancer awareness Forum sa Outpatient Department sa biyernes, October 13.
Ngayong Oktubre ay inoobserba ang Breast Cancer Awareness Month na isang global effort para lumikha ng kamalayan patungkol sa breast cancer.
Itinalaga ang Oktubre bilang ‘Pink Month’ kung saan nagaganap ang mga kaukulang pagkilos para maturuan lalo na ang mga kababaihan tungkol sa breast cancer.
