Sumailalim sa pagsasanay ang mga mountain guides ng ilang bayan sa lalawigan ng Zambales.
Ito ay sa pamamagitan ng isinagawang Eco Tour Guides Training ng Department of Tourism – Region III katuwang ang Provincial Tourism Office.
Kabilang sa dalawampu’t siyam na partisipante ay mga tour guides sa
Botolan, San Narciso, Subic, Candelaria at Masinloc.
Sinanay ang mga ito para sa mga karagdagang kaalaman tungkol sa Flora & Fauna sa bansa, Introduction to Birding, Basic Life Support and First Aid, Mountaineering and Bamboo Cooking, Introduction to Water Safety and Rescue, Tent Pinching Equipment Familiarization, at Tour Guiding Techniques and Commentary Development.
Ayon sa DOT ang pitong araw na pagsasanay na nagtapos noong Linggo ay kanila ring magagamit para sa pag-aapply ng DOT-Accreditation.//Jen Bayot-BNFM OLONGAPO
PHOTO: DOT Region 3
