Gibutyag ni Cabinet Secretary Karlo Nograles nga supurtahan sa PDP-Laban si Davao City Mayor Sara Duterte-Carpio sa 2022 Presidential elections.
Kini bisan dili matud pa miyembro sa ruling party si Mayor Sara.
Sumala ni Nograles, miyembro sa PDP laban na bahala ang Pangulong Rodrigo Duterte isip National Chairperson nga mag rekomenda sa partido nga isabong isip presidentiable apan ang desisyon moagi sa proseso sa partido.
Nasayrang gibutyag sa Mayor nga magpabilin siya sa Hugpong ng Pagbabago (HNP) sa Davao Region ug Hugpong sa Tawong Lungsod sa Davao City ug wala kini plano nga moapin sa usa ka national political party.
Giangkon niini nga dunay pipila ka indibdiwal ang nipadayag sa ilang interes nga mamahimong ilang running mate sa higayon nga makadisider kini modagan sa pagka-presidente sa 2022 national elections.
