HATAGAN og financial assistance ni Mayor Lorelie Pacquiao ang mag-asawa nga nakabaton og triplets nga anak.
Si Hayronisa Alimanan, taga Barangay Tambler,GenSan nanganak sa Dr.Jorge P.Royeca Hospital, Huwebes, Hulyo 7 og triplets nga pulos lalaki.
Segun ni Dr.Ryan Aplicador, chief of hospital sa DJPRH nga pre term o kulang sa bulan ang gisabak sa ginang tungod anaa lang sa 36 ka semana apan malampuson nga nakaanak tungod sa maayong timing sa tabang sa lima ka doctor, mga nurses ug midwives sa pampublikong ospital.
Gilayun usab gibisitahan ni Mayor Pacquiao ang ginang aron nga ipadangat ang tabang sa LGU-GenSan, asa lakip sa maong hinabang ang tambal, financial assistance alang sa gatas, pag-abaga usab sa bayrunon sa ospital ug livelihood tungod security guard matud pa ang bana sa ginang.
Nasayran nga pito na ang anak ni Alimanan tungod sa triplets nga nadugang, ang nanawagan usab og tabang tungod dili nila kayang buhion ang triplets.
