‘DILI ipaampon ug ikauban sila sa usa ka balay among buhion.’
Kini ang nahimong tubag ni Hayronisa Alimanan, taga Barangay Tambler,GenSan sa pangutana kung nagplano ba kini sa pagpa-adopt sa iyang triplets.
Segun niini bisan lisod sila, maningkamot sila nga buhion ang ilang mga anak nga karon nahimo nang pito tungod nadugangan og tulo.
Gani, mihatag kini og contact number nga 0935-599-7533 alang sa kinsa man nga mahimong makatabang bisan sa panggatas ug diaper.
Ang tulo ka mga baby nga pulos lalaki gipanganlan ni Hayronisa nga silang
Arham, Arjan, Asam nga gihimugso pinaagi sa ceasarian operation sa Dr. Jorge P. Royeca Hospital.
Sa pagsabak sa triplets, giangkon ni Hayronisa nga medyo may panahon nga siya nalisdan tungod bug-at usab ang gibuntis ug wala matud pa sa ilang side nga may lahi nga kambal apan sa side sa iyang bana.
Tungod kay tulo ka baby ang gipanganak sa usa ka higayon, nangayo kini og tabang lakip na sa pangbayad sa ilang bayrunon sa ospital.
Nasayran nga gilayung giadtoan usab ni Mayor Lorelie Pacquiao ang nahisgutang inahan ug gisultian nga tabangan sama sa pampalit og gatas, tambal ug paghatag og livelihood ngadto sa magtiayon.
