PADAYUN matud pa ang mga meetings o pakighimamat ni Mayor Lorelie Pacquiao sa mga buhatan ug departamento sa LGU-GenSan.
Segun ni City administrator Shandee Llido Pestaño nga mag-usa ka semana pa sa pwesto si Mayor Pacquiao ug kinahanglan niining mahimamat personal ang 26 ka department heads.
Matud ni Llido-Pestaño nga padayun pa usab ang ilang gihimong pag-obserba sa mga padagan sa gobyerno.
Sa pagkakaron, halos anaa usab daw sa 90 percent nga ‘in place’ na ang mga labaw sa mga department sa LGU ug wala nay gilauman nga reshuffling sa umaabot nga adlaw, gawas na lang kung gikinahanglan.
Sa bahin ni Gina Pigar sa General Services Office, magpabilin matud pa kini sa iyang katungdanan samtang si Atty.Harry Roque nga maoy secretary sa Sangguniang Panlungsod ang mamahimong acting head sa Human Resource department.
Nakigkitaan na usab sa mayor ang labaw sa kapulisan ug kasundalohan sa GenSan ingon man labaw sa Dr.Jorge P. Royeca Hospital ug uban pang buhatan nga lokal nga panggamhahan.
