NANAWAGAN ang mayor sa GenSan sa national government nga luagan ang ‘guidelines’ partikular na sa pagpalit og bakuna kontra Covid-19.
Matud ni Mayor Ronnel Rivera, andam na P200 milyon pondo sa pagpalit og bakuna AstraZeneca, Moderna ug Johnson and Johnson. Apan tungod sumala pa sa pipila ka rekisitos hangtud karon wala pa makapalit ang siyudad og kaugalingong bakuna.
Luyo sa gipadala na nga ‘letter of intent’ ngadto sa kompanyang AstraZeneca. Sa Kongreso, giaprubahan na sa committee on appropriations ang House Bill (HB) No.8648. Kini ang nagtugot sa mga LGU’s aron direktang makapalit og bakuna sa manufacturers tumong magpapaspas ang procurement process.
Kahibaloan nga ilawom sa polisiya sa National Task Force Against COVID-19 (NTF) mahimong makapa-reserved og bakuna ang LGU’s. Apan kinahanglan usab nga mopirma og tripartite deals kauban ang national government ug manufacturer. Ang GenSan dunay 647,000 populasyon asa 70% niini ang kinahanglan bakuna aron makab-ot ang population protection sa adlaw sa Kapaskuhan. Sa datus sa siyudad (as of June 25, 2021) naa pa lang sa 34,137 ang nabakuna gikan sa priority group sa kinatibuk-ihap 9, 318 pa lang ‘fully vaccinated.’
Photo by LGU Gensan
