Maaring ginamit ng suspendidong alkalde ng Bamban Tarlac na si Alice Guo ang kanyang Chinese passport upang makalabas ng Pilipinas.
Ito ang pahayag ni Senador Sherwin Gatchalian matapos kumpirmahin ng Bureau of Immigration (BI) na wala pang Guo Hua Ping na nakakalabas ng bansa.
Bagama’t nakaalerto ang BI sa suspendidong alkalde, ipinunto ni Gatchalian may iba pang mga paraan para makalabas ng Pilipinas at makatakas.
Maalalang napagalaman na gumagamit si Guo ng parehong Chinese at Philippine passport mula 2008 hanggang 2011.
