LEGAZPI CITY – Naheheling bilang potensyal na Paragliding asin Paramotoring Launch Site an Mayon Skyline sa Tabaco City na midbid sa langkaw na 2,700 feet beyond sea level asin tànaw an Bulkang Mayon.
Ini an ipig-propose kan sarong business enterprise na iyo an nagsumiter kan propwestong gibuhong paragliding asin paramotoring site an nasambit na lugar.
Sa pagtiripon man na isinagibo kan mga pamayo kan Bicolandia Outdoor Adventure asin Albay Provincial Planning and Development Office (PPDO) pinag-orolayan digdi an nasambit na propwestong paggamit kan sadayot na lote sa Mayon Skyline para gamiton bilang launch site kan nasambit na mga aktibidad.
Katakod kaini, liwat man na bubuhayon an adrenaline-spiking, na sarong kakaibang aktibidad sa turismo asin mapakusog nim suporta sa ekonomiya sa probinsya kan Albay.
Pig-enganyar man kan Chairperson kan Committee on Tourism, Culture and the Arts na si Atty. Melissa Abadeza-Armedilla, an manlaen-laen na mga departamento na ikonsiderar an pagbusol sa nasambit na aktibidad.
Saiyang pig-enganyar an Provincial Environment and Natural Resources Office (PENRO) asin iba pang departamento na i-maximize an paggamit kan lugar.
