LEGAZPI CITY – Matrayumpong naisagibo an ALBAYANIHAN: Pantawid Pamilya Pilipino Program Year 2 Provincial Convergence Caravan sa probinsya kan Albay kan nakalihis sanang, Hulyo 19, 2024.
An nasambit na aktibidad, ika-duwa nang taong pigsasagibo kan Gobyerno Probinsyal kan Albay (PGA) asin kan manlaen-laen na mga departamento arog kan Albay Provincial Agricultural Office (APAO), Albay Provincial Social Welfare and Development Office (PSWDO), Department of Social Welfare and Development (DSWD) Bicol, asin dakol pang partner agencies para magsagibo nin serbisyo publiko sa nasambit na aktibidad.
Saro sa mga naging benepisyaryo kan nasambit na aktibidad iyo an mga 4Ps beneficiaries, kun sain tinuruan an mga ini papano an pagsagibo nin fish processing, preservation, asin iba pang mga kaaraman na pwedesir ninda magamit sa pagnegosyo asin pang-uru aldaw na buhay.
