LEGAZPI CITY – Nagpartisipar an natatadang Mayon evacuees sa banwaan kan Camalig sa ikinondusir na 4th Quarter Nationwide Earthquake Drill 2023.
Pinangenotan ini kan Municipal Disaster Risk Reduction and Management Office (MDRRMO) kun sain segun kay MDRRMO Chief Rommel Negrete, Jr., obheto kaining magtao nin kaaraman sa kada pamilya nganing magin ligtas sa anoman na kalamidad.
Mientrastanto, an mga nagpartisipar na evacuees hale sa Camalig Bungkaras Evacuation Center na mga residente kan Brgy. Anoling na hasta sa ngunyan, dai pa nakakauli nin huli ta presente pang nasa alert level 3 status an Bulkang Mayon.
