Inihayag ng Cybercrime Investigation and Coordinating Center (CICC) na may data ng mga polling precincts nationwide ang mga umanoy hackers na sangkot sa Smartmatic data breach.
Ayon kay CICC Undersecretary Cezar Mancao, ibinigay sa kanilang mga IT operatives ang access sa mga naturang data kabilang ang codes at numbers ng mga voter precinct.
Pinabulaanan ni Mancao ang nauna nilang statement na walang nakuhang 2022 election data-related ang XSOX hacker group matapos niyang personal na makita ang mga nasabing ebidensya.
Samantala, kabilang sa na-hack ng nasabing grupo ang National Power Corporation (NAPOCOR), Department of Science and Technology at ilan pang mga private retailers. || ARGIE ERGINA
