San Jose, Antique – Gingrasyahan kang kapin P10.24 million sa idalum kang Rice Competitiveness Enhancement Fund-Rice Farmers Financial Assistance kang Department of Agriculture ang 2,049 ka mangunguma sa probinsya humalin kang Mayo 10 sa diin sanda ang nakabaton kang tag-P5,000 nga naka deposit sa andang Intervention Monitoring Card.
Ginpahayag ni DA Agriculture Program Coordinating Office for Antique Sonie Guanco, kapin 47,390 ka mga mangunguma ang ginalantaw nga makabuol kang bulig kang 2023 sa diin 24,399 ang nakabaton ron, nagapadayon ang pagtugro kang IMCs sa 6,044 kag magapaabot ang para sa nabilin nga 16,947 nga mga mangunguma.
Ginahingyo kang opisyal nga gamitun ang bulig agud magbakal kang mga farm inputs magluwas sa andang mga pagkaun kag mga kinahanglanun.
Photo: Office of the Provincial Agriculturist