Patay ang trabahador sang R&S Funeral Parlor sa Brgy Sum-ag matapos ini makuryente.
Ang biktima ginkilala nga si Jennefer Raynon, 44 anyos kag residente sang nasambit nga lugar.
Base sa imbestigasyon sang kapulisan, nadiskubrehan ini sang kalive-in partner nga nagahapa na sa salog kag may ara sang injury sa wala nga bahin sang kilay. Nahibal-an nga si Raynon nagkay-o sang electrical wire kag nagamit sang martilyo posible nga rason kun ngaa ini nakuryente.
Ang biktima gindala pa sa hospital, apang gindeklara ini nga wala na sang kabuhi. Ang lawas gintransfer na subong sa R&S Funeral sa syudad sang Bago.