Nagdangat sa 5,470 ka mga manunudlo sa probinsya sang Capiz ang magaserbe sa Barangay kag Sangguniang Kabataan Elections sa maabot nga Oktubre 30, 2023.
Ini ang ginkumpirma ni Atty. Rommel Benliro, City Comelec Officer sang ma-interview sang Brigada News FM Roxas City.
Suno kay Benliro, yara sa 1,663 ka mga clustered precinct ukon classrooms nga pagabotohan sang mga botante kag 4,989 ka mga manunudlo ang magaserbi bilang electoral board.
Ginabug-usan ini sang elementary kag secondary teachers sa pampubliko nga eskwelahan.
Ginpahayag ni Benliro, nga may yara pa sang gindugang nga 15 ka mga manunudlo para maging electoral board sang Person Deprived of Liberty (PDLs) sa mga jail facilities sa syudad sang Roxas.
Samtang, 466 naman diri ang Department of Education Supervisor Official (DESO) ang igapahamtang sa nagkalain-lain nga kabarangayan sa probinsya. | Judy Ann Juare
