LEGAZPI CITY – Bagsak sa karsel an sarong lalaki makalihis na madakop sa drug buy-bust operation sa Purok 4, Brgy. Manga banwaan kan Oas, Albay.
Binisto an suspetsado na si Merix Osaeta Pequena, residente nin nasambit na barangay.
Sa nasambitan na operasyon na pinangenotan kan Oas MPS, pinabakalan kan suspetsado an poseur buyer nin sarong transparent plastic sachet nin pigtutubudang shabu.
Kan magkapalitan na nin item, digdi na inarestar kan mga operatiba an suspetsado.
Nakumpiskar saiya an shabu na may gabat na 0.5 grams na nagkakantidad ki P3,400 kasabay an buy-bust money.
Tulos man ining dinara sa hepatura kan pulisya para sa magkakanigong disposisyon.
