LEGAZPI CITY – Pig-enganyar kan Municipal Agricultural Services Office (MASO) Daraga ang saindang mga residente na magtanom orog na ngunyan na long weekend.
Sinda kaya mananao man nin libreng vegetable seedlings siring kan okra, labanos, pipino, marigoso, kamatis, purupagulong, upland kangkong asin antak na hale pa sa Municipal Nursery kan Sitio Tubtubon, San Ramon kan naunambitang banwaan.
Mientrastanto, segun sa opisina, sa mga interesadong magtanom, tulos sanang makipagkoordinar sa sainda nganing makakua kan mga manlaen-laeng pisog kan gulay.
