LEGAZPI CITY – Arestado an sarong lalaki sa Libon, Albay na may kasong attempted rape sa ikinondusir na manhunt operation kan operatiba nin Libon MPS sa Purok 3, Brgy. Macabugos kan nasambit na banawaan.
Binisto ining si alyas “Jake”, 58 anyos, may agom asin residente kan Brgy. Tambo kan kaparehong banwaan.
Naarestar an akusado sa kusog kan mandahamiento de aresto para sa nasambit na kaso sa irarom kan Criminal Case No. 7955 na inisyu kan RTC, Branch 13, Ligao City asin may inirekomendar na piyansang PHP120,000.
Presente nang nasa kustodiya kan Libon MPS an akusado para sa magkakanigong disposisyon.
