LEGAZPI CITY – Generally peaceful an banwaan kan Libon sa pagtatapos kan Barangay asin Sangguniang Kabataan Election (BSKE) 2023.
Segun kay PCapt. Victor Borjal, an hepe kan Libon MPS, dawa isinararom an banwaan sa COMELEC control, nagin matrangkilo man giraray an pirilian.
Nilibot su boot ninda an nagkapirang mga barangay sa banwaan partikularmente an polling precincts sa kada eskwelahan tanganing hilingon an mga botante asin aramon an sitwasyon.
Nagin epektibo man an mga plano sa paagi kan pagtatarabangan kan Philippine Army, COMELEC, Bureau of Fire Protection, Philippine Coast Guard asin ibang miyembro kan Task Force Libon huli ta warang nairehistrong kariribukan sa mga suportadores, kandidato o hale sa mga terorista sa banwaan sa pagtatapos kan BSKE.
Segun pa kan opisyal, nakapagpili nin maray an mga botante huli ta mayong huma o pananakot sa lugar.