“Lapaw na ta sa 11 percent kag manug-12 percent na”, Ini amo ang pahayag ni Negros Occidental Provincial Administrator Atty. Rayfrando Diaz II may kaangtanan sa 70 percent sang populasyon sang probinsya nga target mabakunahan agud sa sina maangkon ang ‘herd immunity’.
Suno kay Diaz, kadungan sang pag-abot sang panibag-o nga supply sang vaccine nga Sinovac sa probinsya, ginalauman madugangan ang ‘percentage’ sang mga pumuluyo nga mabakunahan batok sa Covid-19.
Sa karon yara sa masubra sa 260,000 ka doses sang vaccines ang tigayon nga nabakuna ukon nagamit kag ginpahayag ni Diaz bangud sa pag-abot sang panibag-o nga supply sang vaccines halin sa gobyerno nasyonal, mahimo magalambot sa masubra sa 340,000 ka doses sang vaccines mabakuna sa mga pumuluyong Negrenses sa palaabuton nga senemana.
