Dapat suno kay Aklan Governor Florencio Miraflores nga seryosohon it mga tawo ro covid-19 pandemic.
Tiyempo eon segun raya agud buhinan ro caseload pinaagi it mas istrikto nga pamaagi ag epektibo nga contact tracing agud panabaon ro kaso it coronavirus disease.
Matandaan nga ku Lunes, gin aprubahan ni Pangueong Rodrigo Duterte ro rekomendasyon it National Inter-Agency Task Force para ipaidaeum sa GCQ ro Aklan bangud sa pagtaas it mga kaso.
Ku June 30, ro probinsiya hay may 1,408 nga aktibo nga COVID-19 cases ag 77 ro namatay.
Ro Aklan hay may 51.23 % nga hospital care utilization ag may mataas man nga daily attack rate (ADAR) nga 9.56 % ag 8 % nga two-week growth rate (2WGR).
Dugang pa ni Miraflores, raya hay sangka wake-up call sa mga pumueuyo nga sundon ro mga nakaigo nga protocols para sa kamaeayran it publiko.
Ginpadumdom gihapon ro mga Aklanon nga padayunon ro pagsuksok it facemask ag faceshields pati eon ro pagsunod sa social distancing. / ANN DESLENE SALAZAR
