IPADAYON ang nasugdan na nga mga lakang aron mapugngan ang pagkatag sa COVID-19 ilabi na sa merkado publiko sa Gensan.
Naatlan sa taga Brigada Gensan ang ginahimo sa duha ka sakop sa Market implementors sa pagpanguna ni Admin Aide Renante Petiza nga nagapahinumdom sa mga marketgoers gamit ang megaphone kalabot sa mga ginabawal sa sulod sa palingke sama sa bawal ang mga bata, bawal ang mga mabdos ug bawal ang mga edaran na.
Sa pahayag usab ni Market Supervisor Lito Esclamado nga ang ginahimo sa iyang sakop kabahin lang sa ilang mga lakang aron mapahinumdoman ang katawhan nga naga sulod gawas sa palingke nga nagapadayon ang mga kaso sa COVID-19 mao nga kinahanglan sundon ang health protocol.
Kahibaluan nga gilimitahan ang mga entrances sa palingke lakip ang exit areas aron ma-monitor ang nagasulod dinhi. ( Ever Diazon)
